Ek is ‘n ervare wiskunde-onderwyser met meer as 20 jaar se onderrig in internasionale skole, spesifiek in Cambridge IGCSE, A/S en A-Level (Pure Mathematics, meganika en statistiek). Benewens my rol as 'n wiskunde onderwyser, het ek ook vir baie jare as jaarhoof vir pastorale sorg en as Duke of Edinburgh’s Award-koördineerder diens gedoen.

Vroeër in my loopbaan het ek as adjunk-departementshoof in wiskunde gefunksioneer en ondersteuning gebied in kurrikulumontwikkeling en assessering. My ervaring in verskeie lande – Suid-Afrika, Engeland en Koeweit – het my in staat gestel om aan te pas by diverse leeromgewings en kulturele kontekste.

Ek het ‘n sterk agtergrond in digitale onderrig en aanlyn leer, met kwalifikasies in Blended and Remote Education, Google Educator, asook kursusse in probleemoplossing, kognitiewe lading en assessering.

As ‘n toegewyde opvoeder en leiersfiguur het ek ‘n passie vir nie net akademiese sukses nie, maar ook vir die holistiese ontwikkeling van my studente deur sport, musiek, buitelugaktiwiteite en leierskap.
Met my uitgebreide ervaring in onderrig, pastorale sorg en aanlyn leer is ek uitstekend geposisioneer om ‘n betekenisvolle bydrae tot ‘n digitale onderrigplatform te lewer.

Onderrigtaal

Afrikaans (Vlot), English (Vlot)